Universiteti me më pak studentë/ Bujqësori rrezikon të mbyllë disa degë studimi

Për tokat bujqësore, kopshtet botanike apo zoologjike ose peshkimin rrezikohet që të mos ketë më punonjës për t’u kujdesur për to për sa kohë që numri i të rinjve që regjistrohen për të studiuar në këto programe vjen vit pas viti në rënie.

 “Faktikisht këto degët e bujqësisë , agronomisë, izoteknisë nuk janë degë të preferuara për brezin e ri pavarësisht se janë degë tradicionale dhe kryesore për ekonominë shqiptare. Ky është faktori i parë , më pas shkak tjetër është dhe emigracioni e rënia e lindshmërisë”, tha rektori Fatbardh Sallaku.

Nga rreth 124 mijë studentë që vazhdojnë programet e arsimit të lartë për vitin akademik 2020-2021 , universiteti bujqësor ka më pak studentë nga të gjithë.

Edhe pse universiteti më i vjetër, sipas të dhënave të INSTAT, bujqësia , pyjet veterinaria e peshkimi janë zgjedhja e vetëm 2.8% studentëve dhe që këto degë vitin tjetër rrezikojnë mbylljen. Shkaku kryesor sipas rektorit të universitetit bujqësor është dhe mesatarja e lartë që pengon maturantët të fitojnë të drejtën e studimit, e për këtë arsye Sallaku ka një propozim.

“Për programet e studimit bachelor nuk ka pse të ketë kufir hyrës për në universitetet, bëhet fjalë për degë me interes kombëtar. Të gjithë gjimnazistët që kanë dëshirë të ndjekin degët e bujqësisë pavarësisht mesatares që kanë duhet të organizohet me konkurs “, tha ai.

Vlerësimi i të rinjve ndaj këtyre degëve si punë të rëndomta vjen sipas ekspertëve edhe si rrjedhojë e politikave të gabuara arsimore e bujqësore.

Ngjarja paraprake

Incidenti në Minesota, pritet ngritja e akuzave ndërsa protestat vazhdojnë

Ngjarja e ardhëshme

​Xhudo mund t’i sjellë Kosovës medalje nga Evropiani i Lisbonës

të fundit nga

AlbanianEnglishMacedonian