Një person ka humbur jetën dhe 25 të tjerë janë plagosur në sulmet me raketa të kryera nga forcat ruse në qytetin ukrainas të Slovyansk-ut mëngjesin e sotëm, transmeton Anadolu.
Shefi i Administratës Ushtarake të Rajonit të Donetskut, Pavel Kirilenko, në një deklaratë në llogarinë e tij në rrjetet sociale tha se rusët sulmuan qytetin e Slovyansk me raketa S-300 rreth orës 10:30 me orën lokale.
“Si rezultat i sulmeve, të paktën një person u vra, 25 persona u plagosën dhe u shkatërruan ndërtesa administrative dhe zyra, 5 apartamente dhe 7 shtëpi”. Duke përdorur shprehjen Kirilenko, ai th se përpjekjet e kërkim-shpëtimit po vazhdojnë në rrënojat e ndërtesave të shkatërruara në Slovyansk.
Ai tha se ushtria ruse gjithashtu kreu sulme me raketa në qytetin Druzhkivka në të njëjtën orë, duke shtuar se një shtëpi e të pastrehëve, e goditur nga dy raketa, u shkatërrua plotësisht.
Përveç kësaj, Kirilenko vuri në dukje se rusët bombarduan gjithashtu vendbanimet Avidiyivka, Kurakhove, Soledar, Zvanivka, si dhe vendbanime të tjera gjatë ditës.
“Të gjithë të përfshirë në këtë agresion do të mbajnë përgjegjësi”
Presidenti i Ukrainës Volodymyr Zelenskyy bëri një deklaratë për sulmet në Slovyansk në llogarinë e tij në rrjetet sociale, ku u shpreh se kjo është edhe një ditë tjetër që filloi me terrorin rus.
“Armiku duhet ta dijë se Ukraina nuk do të falë ngacmimet e popullit tonë, këto vdekje dhe lëndime. Të gjithë terroristët rusë do të mposhten. Kushdo që është i përfshirë në këtë agresion do të mbajë përgjegjësi”, tha Zelenskyy.
