Ministria e Punëve të Jashtme e Mbretërisë së Bashkuar ka bërë të ditur se dy britanikët që u raportuan të zhdukur më 6 janar në Ukrainën lindore janë vrarë, transmeton Anadolu Agency (AA).
28-vjeçari Christopher Parry dhe 48-vjeçari Andrew Bagshaw thuhet se u zhdukën më 6 janar pranë qytetit Soledar, derisa ndihmonin banorët vendas të lëvizin në mënyrë të sigurt në mes të luftës me Rusinë.
Ministria e Punëve të Jashtme bëri të ditur se familja Parry njoftoi vdekjen e dy burrave derisa ishin në “përpjekje të një evakuimi humanitar” nga zona.
“Me pikëllim të madh duhet të njoftojmë se i dashuri jonë Chrissy është vrarë së bashku me kolegun e tij Andrew Bagshaw gjatë përpjekjes për një evakuim himanitar nga Soledar, Ukraina lindore”, thanë Rob, Christine dhe Katy Parry.
Soledar është një qytet i vogël në rajonin lindor Bakhmut, ku trupat ukrainase janë përfshirë në luftime të ashpra me forcat ruse dhe grupin mercenar rus ‘Wagner’.