UEFA ndan skuadrat në vazo për eliminatoret Katar 2022, vazot ku bëjnë pjesë Kosova e Shqipëria

Në pritje të shortit për eliminatoret e Kupës së Botës Katar 2022, që do të hidhet më 7 dhjetor të këtij viti, UEFA ka publikuar edhe ndarjen e ekipeve në 6 vazo, teksa Shqipëria është në vazon e katërt dhe Kosova në të pestën.

Kështu 5 vazot e para kanë në përbërje nga 10 ekipe, ndërsa vazoja e 6 vetëm ekipe, çka do të thotë se 5 nga grupet eliminatore do të jenë me 6 skuadra dhe 5 të tjerë me 5 skuadra.

Eliminatoret e Katar 2022 do të startojnë në mars të vitit të ardhshëm dhe do të përfundojnë brenda muajit dhjetor, ndërsa në muajin mars të 2022-shit do të luhen edhe ndeshjet Play Off, ku do të përcaktohen përfundimisht 13 skuadrat që do të përfaqësojnë Evropën në garat më të rëndësishëm në botë në nivel përfaqësuesesh.

Ndarja e vazove të Kupës së Botës 2022:

Vazo 1: Belgjikë, Francë, Angli, Portugali, Spanjë, Itali, Kroaci, Danimarkë, Gjermani, Holandë.

Vazo 2: Zvicër, Uellsi, Poloni, Suedi, Austri, Ukrainë, Serbi, Turqi, Sllovaki, Rumani.

Vazo 3: Rusi, Hungari, Irlandë, Rep.Çeke, Norvegji, Irlandë e Veriut, Islandë, Skoci, Greqi, Finlandë.

Vazo 4: Bosnje-Hercegovinë, Slloveni, Mali i Zi, Maqedoni e Veriut, SHQIPËRI, Bullgari, Izrael, Bjellorusi, Gjeorgji, Luksemburg.

Vazo 5: Armeni, KOSOVË, Qipro, Ishujt Faroe, Azerbajxhan, Estoni, Kazakistan, Lituani, Letoni, Andorra.

Vazo 6: Maltë, Moldavi, Lihtenshtejni, Gjibraltar, San Marino.

Ngjarja paraprake

Bora Zemani reagon ashpër pas mashtrimit që u bë në emër të saj!

Ngjarja e ardhëshme

Udhëheqësi i OBSH-së po akuzohet se po ndihmon kriminelët në Etiopi

të fundit nga

AlbanianEnglishMacedonian