Klubi anglez, Chelsea dhe trajneri i tyre Thomas Tuchel janë të interesuar për mbrojtësin e Real Madridit, Eder Militao.
Tuchel duhet të përforcojë opsionet e tij mbrojtëse këtë vit me Andreas Christensen, Cesar Azpilicueta dhe Antonio Rudiger të gjithë mbesin pa kontrata në qershor.
Drejtuesit e klubit dhe trajneri Tuchel duan të përforcojnë këtë repart dhe tashmë kanë etiketuar disa emra të mundshëm.
Sugjerohet që braziliani i Real Madridit, Militao, tani është në krye të listës së blerjeve të tij verore për Blutë e Londrës.
Sipas gazetës spanjolle AS, menaxheri i Chelseat, Tuchel dëshiron ta shohë brazilianin duke nënshkruar me ekipin e tij këtë verë.
Braziliani ka një marrëveshje me Real Madridin deri në vitin 2025 dhe transferimi i tij do të jetë shumë i vështirë, për të mos thënë i pamundur.
Një emër tjetër në listën e Bluve është Jules Kounde i Sevillas dhe ky emër duket më lehtë për t’u transferuar.
