Trump sulmon ashpër familjen Biden: Është një sipërmarrje kriminale, duhet të arrestohen

“Familja Biden është një sipërmarrje kriminale, një nga më të korruptuarat në historinë e Amerikës”. Kështu u shpreh presidenti amerikan, Donald Trump gjatë një takimi elektoral në Georgia, ku kërkoi sërish që kandidati për president të SHBA-së, Joe Biden dhe djali i tij, Hunter të mbajnë përgjegjësi për veprimet e tyre.

Duke iu referuar e-mail-eve të publikuara nga New York Post për korrespondencën e Hunter Biden me biznesmenin ukrainas, Trump tha: “Ky është skandali më i madh politik, pas atij të spiunimit të fushatës sime elektorale nga ana e Obamës. Arrestojini”.

Skandalit të cilit i referohet Trump ka të bëjë me djalin e kandidatit demokrat Hunter Biden, i cili e prezantoi babanë e tij kur ishte zv.president me një drejtues të lartë të shoqërisë energjetike ukrainase Burisma, vetëm një vit përpara se zëvendësi i Obamës të bënte presion mbi qeverinë e Ukrainës për të liruar nga detyra një prokuror që po hetonte shoqërinë. /Gazeta Sinjali/

Ngjarja paraprake

Ardian Bujupi rrëfen se zemrën ia ka “rrëmbyer” modelja e famshme që u përfolën për një lidhje!

Ngjarja e ardhëshme

Azerbajxhani dhe Armenia shpallin armëpushim të ri

të fundit nga

AlbanianEnglishMacedonian