Skuadra me renome e futbollit Trepça nga Mitrovica, mendon për shtigje të gjata.
Mitrovicasit “blindojnë” futbollistët e rinj, me synime që këta në një të ardhme të afërm të janë edhe shtylla kryesore e ekipit.
Trepça garon në Ligën e Parë të Kosovës, Grupi A, aktualisht është në pozitën e dytë me 22 pikë, pesë me pak se lideri Trepça ’89.
“Klubi blindon të rinjtë e shkollës.
Sot pesë lojtarë të talentuar të shkollës në prani të kryetarit Nexhmedin Haxhiu dhe drejtorit të shkollës Nazif Bahtiri nënshkruan kontratat e para profesionale me klubin deri në vitin 2025.
Lojtarët që u arrit marrëveshja janë:
1. Arlind Syla (2002)
2. Edvin Çeshko (2003)
3. Florent Hyseni (2003)
4. Endrit Emini (2003)
5. Kadri Hoti (2003)
Vlen tē theksohet që këta lojtar përveç paraqitjeve të mira në junior patën paraqitje të mira dhe kontribuan edhe në ekipin e parë, andaj klubi në vazhdimësi do i qëndrojë afër dhe do i mbështet në arritjen e synimeve të tyre së bashku me klubin ku në të ardhmen do të jenë bartës të ekipit”, njofton KF Trepça.
