Reperi Travis Scott mesa duket e ka kuptuar që nuk është asnjëherë vonë për të studiuar e për t’iu rikthyer universitetit.
Në një rrëfim së fundmi për revistën ‘Pin-Up’, Scott kishte për detyrë të përshkruante parimet e tij të dizajnit dhe një nga interesat e tij më bindëse është arkitektura.
“Arkitektura është pasioni im i vërtetë,” tha Scott.
“Kam në plan të aplikoj në programin e arkitekturës në Harvard GSD kur të mbaroj me muzikën, gjë që do të zgjasë.”
“Unë po përfundoj peizazhin në shtëpinë dhe studion time dhe do të jetë më mirë se një kopsht botanik – shumë i gjallë me shumë lule të ndryshme,” shpjegoi Scott.
“Kam punuar me një kompani lokale. Është frymëzuar nga parqet argëtuese dhe peizazhi i gjallë i Disney-t, por ne e kombinuam atë me elementë anime japoneze. Ne gjithashtu morëm frymëzim nga fushat e golfit dhe se si ato skalitin peizazhin. Peizazhi është shumë i rëndësishëm për mua. Më pëlqen të eci jashtë.”
Duket sikur Scott po i kushton kohë krijimit të një shtëpie që e do dhe e ka marrë shumë seriozisht pasionin e tij për arkitekturën.
