Trajneri i Partizani ka sqaruar në konferencën për shtyp edhe çështjen e Dean Liços.
Në media u përfol për një përjashtim të lojtarit pasi kishte mungesë të profesionalizmit në sjellje. Ndërkohë Mehmeti ka sqaruar të vërtetën:
“Jam transparent për çdo gjë. Për situatën e Liço asgjë nuk është e vërtetë dhe kaq e madhe sa është bërë.
Ai është një lojtar mjaft profesionist. Ishte një moment që ai nuk kishte marrë atletet dhe unë i kisha ndarë në dy grupe.
Ai kishte ngatërruar grupin dhe kështu që e çova në grupin tjetër të vrapimit”, tha Mehmet.
