Erik ten Hag foli për filozofinë që do të donte të sillte te Manchester United.
“Më pëlqeu ky udhëtim i mrekullueshëm, ishte një epokë e mrekullueshme. E shikoj mbrapa punën në Ajax me shumë kënaqësi. Kur fillova në Ajax katër vjet e gjysmë më parë, më duhej ta përgatisja ekipin për një rikthim në garat evropiane. Ne ia dolëm, dhe si.
Këtë sezon më pëlqeu më së shumti loja me Borussia Dortmund në Champions League. Ishte një nivel shumë i lartë, i krahasueshëm me ato ndeshje në Torino dhe Madrid”, tha trajneri gjatë festimit të fitores së Ajax-it në kampionatin holandez, duke iu referuar kalimit të skuadrës në gjysmëfinale të Champions League në 2019.
52-vjeçari foli edhe për filozofinë që do të dëshironte të shihte te Manchester United.
“Gjithçka që ju nevojitet është fitorja. Ne më mirë do ta bënim duke luajtur futboll të mirë”, tha ten Hag.
