Të paktën 2 persona kanë humbur jetën ndërsa 4 të tjerë janë plagosur pasi një person 70-vjeçar në kryeqytetin e Francës, Paris, ka hapur zjarr ndaj njerëzve përreth, transmeton Anadolu Agency (AA).
Sipas lajmit të “Le Parisien”, një person në rrugën “Enghien” në zonën e 10-të në Paris ka hapur zjarr me armë ndaj personave përreth.
Të paktën 2 persona kanë humbur jetën ndërsa 4 të tjerë janë plagosur si pasojë e sulmit.
Në njoftimin nga Policia e Parisit u bë e ditur se një person është arrestuar në vendin e incidentit.
Gjithashtu në njoftim është theksuar se është evakuuar zona për ndërhyrjen e ekipeve të shpëtimit dhe për arsye sigurie.
Ende nuk dihet motivi i sulmit.
