Sullivan bisedon me homologun rus

Këshilltari për Siguri Kombëtare i SHBA-së, Jake Sullivan, të mërkurën ka biseduar me homologun e tij rus, tha Shtëpia e Bardhë.

Biseda telefonike ndërmjet Sullivan dhe Sekretarit të Këshillit Kombëtar rus të Sigurisë, Nikolai Patrushev, shënon kontaktin e parë të nivelit të lartë ndërmjet SHBA-së dhe Rusisë në javët e fundit.

Sullivan ka ripërsëritur “qëndrimin e vendosur dhe të qartë të SHBA-së në kundërshtimin e pushtimit të paprovokuar dhe të pajustifikuar të Ukrainës nga Rusia”, u tha në deklaratë.

“Sullivan ka shpalosur zotimin e SHBA-së për të vazhduar vendosjen e kostove ndaj Rusisë, për të mbështetur sovranitetin dhe integritetin territorial të Ukrainës, për të forcuar krahun lindor të NATO-s, për të vazhduar koordinimin e plotë me aleatët dhe partnerët tanë. Sullivan i tha Patrushevit se nëse Rusia është serioze për diplomaci, atëherë Moska duhet të ndalojë së sulmuari qytetet ukrainase. Sullivan po ashtu e paralajmëroi Patrushevin lidhur me pasojat dhe implikimet e çdo vendimi të mundshëm rus për të përdorur armë kimike dhe biologjike në Ukrainë”, u tha në deklaratën e Shtëpisë së Bardhë.

GAZETA.MK

Story i mëparshëm

Reagon ashpër Agim Ademi: Kinse e paskam sulmuar fizikisht drejtorin për marrëdhënie me jashtë

Story i radhës

Pasojat e planeve urbanistike pa kritere të duhura

Të fundit nga

AlbanianMacedonianEnglish