Strehonin 5 emigrantë të paligjshëm, vihen në pranga 2 persona, çfarë gjeti policia

Një rast i veprimtarisë kriminale të dhënies ndihmë shtetasve të huaj për kalim të paligjshëm të kufirit, kundrejt fitimit, është goditur nga policia.

Policia bën me dije në bazë të informacioneve të siguruara në rrugë policore, në operacionin “ROAD GUARD 8”, si rezultat i të cilit u arrestuan në flagrancë shtetasit A. M., 51 vjeç dhe M. K., 28 vjeç, banues në fshatin Lazarat, Gjirokastër.

Arrestimi i tyre u bë pasi në bashkëpunim me njeri-tjetrin, në vendin e quajtur “Ish-Pularia”, në fshatin Lazarat, kanë pritur dhe strehuar kundrejt fitimit, 5 emigrantë të paligjshëm nga vendet MENA, të cilët kishin hyrë dhe qëndronin ilegalisht në Shqipëri, për të kaluar më pas në vendet e BE-së.

Gjatë kontrollit të ushtruar nga shërbimet e Policisë, në banesën e shtetasit A. M. u gjet 1 armë zjarri pistoletë dhe një sasi municioni luftarak.

Në cilësinë e provës materiale u sekuestruan arma e zjarrit, municioni luftarak, 1 automjet dhe 2 aparate celulare.

GAZETA.MK

Story i mëparshëm

​Liverpooli vetëm për fitore kundër Arsenalit, ja formacionet e mundshme

Story i radhës

Një milion e 700 mijë euro për mësimdhënësit me probleme shëndetësore

Të fundit nga

AlbanianMacedonianEnglish