Sportisti i Kosovës tregon kur ishte me disa emra të politikës së sotme në një dhomë në burgun e Nishit në Serbi

Agim Lumit, kur i kujtohet burgu i Nishit, për një moment i rrënqethet trupi!  Iu kujtohen shumë gjëra të rënda, që nga viti 1998 deri në janar të vitit 2000! 

Lumi në vitet e 90-ta dhe në vitet e pasluftës, ka qenë ndër volejbollistët më të mirë në Kosovë. 

Në vitin 1998 u arrestua për çështje kombëtare nga milicia e pushtuesit serb! 

Image

Vitrina me mirënjohje, medalje e kupa të volejbollit, që u fituan nga Agim Lumi

Ai akuzohej për veprimtari armiqësore kundër Serbisë.  

Ish volejbollisti u burgos! Ai u dërgua në burgun e Dubravës ku e kishte pa me sy masakrën ndaj të burgosurve shqiptarë nga paramilitarët dhe milicia serbe!  Me 10 qershor të vitit 1999, të burgosurit shqiptarë së bashku me Agim Lumin, u dërguan në burgun e Nishit! 

Aty pas një kohë e bien edhe Albin Kurtin, ish zëdhënës i UÇK-së, ndërsa sot është kryetar i VV-së dhe ish kryeministri i Kosovës. 

Lumi me pak fjalë tregon atë periudhë të terrorit të shfrenuar serb.
”Fillimisht më dërguan në burgun e Dubravës.

Me 10 qershor të vitit 1999 na dërguan në Nish!

Kemi pasur kushte shumë të rënda, që nga 10 qershori e deri në dhjetor të vitit 1999. Nuk kemi pasur ushqim të mjaftueshëm, as higjienë dhe tortura të llojllojshme, që as njeriu nuk mund i mendon, dhunë e shfrenuar nga milicia serbe.

Kur ka ardhur kryqi i Kuq,  ndryshuan gjërat sa i përket ushqimit dhe higjienës. Nuk më kujtohet saktë, në shtator apo në tetor, Kurti nga Pozharevci u transferua në burgun e Nishit, ku ishim në një dhomë. 

Në një dhomë ishim rreth 30 veta, unë, Albin Kurti,  Enver Dugolli, Avni Klinaku, pastaj kemi qenë të pandashëm që nga burgu i Lipjanit e deri në fund, në atë te Nishit e ata janë Vehbi Muharremi dhe Isak Hoti, si dhe shokë të tjerë. Në janar të vitit 2000 jam liruar nga burgu”, tregon Lumi për gazetën kombëtare “Bota sot”.

Ngjarja paraprake

Erdoğan: Bashkëkryesuesit e grupit të Minskut të OSBE-së qëndrojnë pranë Armenisë

Ngjarja e ardhëshme

Aksident i rëndë në Tiranë-Durrës, makina përplas për vdekje 60 vjeçarin

të fundit nga

AlbanianEnglishMacedonian