Mali i Zi është një nga vendet më vëllazërore dhe partnerët më të afërt të Maqedonisë së Veriut dhe jam i sigurt se ne do të vazhdojmë t’i kultivojmë dhe thellojmë ato marrëdhënie në interes të të gjithë qytetarëve tanë. Gjitsesi, falënderim i veçantë për mbështetjen në rrugën e integrimeve evropiane, vazhdojmë së bashku të krijojmë një rajon të prosperuar, si aleatë në NATO dhe anëtarë të ardhshëm të BE-së, deklaroi ministri i Punëve të Brendshme, Oliver Spasovski në profilin e tij në Fejsbuk, pas takimit me kryeministrin malazez, Dritan Abazoviq.
Ministri i Punëve të Brendshme theksoi se me Abazoviqin kanë diskutuar për angazhimet e përbashkëta pozitive për bashkëpunimin e përforcuar me qëllimin përparimin e gjithë rajonit.
“Në fushën e aktiviteteve ndërkombëtare të ministrive të punëve të brendshme të të dy vendeve, mund të mburremi me bashkëpunim të shkëlqyer dypalësh dhe operacional, i cili ka vite që vazhdon, veçanërisht në fushën e çrrënjosjes së krimit të organizuar dhe korrupsionit, parandalimit të emigrimit ilegal, krimit kibernetik etj., ndërsa në nivel ndërshtetëror shprehet edhe përmes përpjekjeve për përmirësimin dhe zhvillimin e bashkëpunimit rajonal në të gjitha segmentet e jetës shoqërore”, tha Spasovski.
