Snajperi ukrainas vret xhelatin famëkeq të grupit Wagner

Ai ishte një nga mercenarët gjakatarë të Ushtrisë private Wagner të Putinit, i njohur për masakrën e të burgosurve të luftës dhe civilëve në Donbass.

Vladimir Antonov u vra nga plumbi i snajperit ukrainas ndërsa luftonte në vijën e frontit.

Sipas britanikes Daily Mail, duke cituar mediat ruse, 44-vjeçari Antonov, një mercenar i Wagner-it i njohur si “xhelati”, u qëllua nga një snajper pranë Kharkovit gjatë misioneve të zbulimit më 5 qershor.

Antonov kishte bërë emër në Rusi si “vullnetari nga Buryatia”, një rajon nga ai vinte, por ishte i njohur për ukrainasit si “ekzekutuesi” për masakrat që ai ndihmoi të kryente gjatë pushtimit të parë të vendit nga Rusia në 2014.

Vdekja e tij u konfirmua nga Zambal Zamso Zanaev, kreu i rajonit nga erdhi Antonov, sipas gazetës ruse “Moskovskij Komsomolets”.

Mercenari rus i Wagner ishte i përfshirë në masakrën e robërve të luftës dhe civilëve në Donbas.

Ai shërbeu në ushtrinë e rregullt ruse nga viti 1997 deri në 2005, kur u transferua në qytetin e Ulan-Ude, ku studioi në Shkollën Pedagogjike.

Ai la shkollën para se të mbaronte studimet dhe u punësua në tregti, përpara se t’i përgjigjej thirrjes për vullnetarë për të shkuar në Ukrainë dhe për të marrë pjesë në luftime në vitin 2014.

Ai mbeti në vijën e parë në Ukrainë edhe pas përfundimit të luftës me nënshkrimi i Marrëveshjeve të Minskut në vitin 2015, para se të kthehej në zonën e tij të origjinës, diku në vitin 2017.

Dhe kur rusët filluan të godasin Ukrainën më 24 shkurt, Antonov ishte një nga të parët që mori armët për të luftuar në territorin e tij të njohur.

GAZETA.MK

Story i mëparshëm

Apple zbulon datën kur përdoruesit mund të testojnë versionet e reja të iOS, iPadOS, macOS dhe watchOS

Story i radhës

Pse na ndodh të ecim somnambul në gjumë, ja shkaqet…

Të fundit nga

AlbanianMacedonianEnglish