Shtrenjtohen cigaret deri në 10 denarë

Në Maqedoninë e Veriut gradualisht po shtrenjtohen cigaret, ky trend rritës po vijon sidomos nga viti i kaluar.

Një pjesë e llojeve të cigareve janë shtrenjtuar prej 5 deri në 10 denarë. Kështu cigaret “Zhade” dhe “Laki Strajk” nga 95 denarë për paketë, tani shiten për 100 denarë, kurse çmimi i cigareve “Rothmans” u rrit nga 100 në 110 denarë. Distributorët thonë se rritja e çmimit në tregun vendas është për shkak të shtrenjtimit nga ana e prodhuesve.

“Cigaret me të cilat ne punojmë u shtrenjtuan për 5 denarë si rezultat i rritjes së çmimit nga ana e furnizuesve dhe kjo rritje nuk ka të bëjë me rritjen e akcizës”, thonë nga Euroatabak. Shtrenjtimi i radhës, për shkak të rritjes së akcizës, pritet në muajin korrik.

Qytetarët kanë theksuar se kjo rritje po ndikon edhe në xhepin e tyre dhe se disa lloje të cigareve tashmë janë bërë luks për ta. Maqedonia e Veriut është ndër vendet e pakta të rajonit që ka cigare me cmime më të lira, për dallim të disa vendeve tjera, përfshirë edhe ato fqinje.

Ngjarja paraprake

Ja shqiptarët që do të luajnë kundër Serbisë, një është nga Kosova

Ngjarja e ardhëshme

Tepër pasionante! 3 shenjat më të zjarrta të horoskopit

të fundit nga

AlbanianEnglishMacedonian