Шилегов: Нема да дозволам гондоли да поминуваат над главите на жителите на Водно, Козле и Капиштец, за разлика од моите противкандидати

Од срце ги прифаќам барањата на иницијативата „Го сакам Водно”. Изминатите четири години направивме многу за омиленото место за рекреација на скопјани. Воведовме ред во паркирањето, воведовме бесплатни автобуски линии, набавивме нова противпожарна опрема и возила само за планината и организиравме спасителни служби за рекреативците. Парите од паркингот ги инвестиравме во нови детски содржини и во две патеки за планински велосипедизам, вели градоначалникот на Град Скопје, Петре Шилегов.

Во соопштението од градоначалникот се наведува дека специјалниот Закон за Водно е заедничка заложба на Министерството за животна средина и просторно планирање и на Владата.

-Изработката на просторниот план со зонирање на Водно како простор од посебен интерес за Скопје е исто така моја заложба и планирам да ја изведам во соработка со централните институции. Денес ги задолжив службите во градот итно да постапат по одлуката на Владата за прогласување на Водно во заштитена зона и да испратат барање до Агенцијата за Просторно Планирање за изработка на Просторен План за Водно, посочи тој.

Како дел од програмата, Шилегов вели дека недвосмислено изјавил оти нема да дозволи покачување на градежната линија и дека јужната обиколница на Скопје ќе биде избришан од новиот Генерален урбанистички план.

-За разлика од мојата противкандидатка, јас нема да сечам нова шума за нов коридор на жичницата до градот. Јас нема да дозволам гондоли да поминуваат над главите на жителите на Водно, Козле и Капиштец. Јас нема да дозволам пробивање на нови патишта како што правеа нејзините сопартијци. Ниту пак ќе дозволам нови сончеви населби на падините на Водно, како што правеа нејзините другари, потенцира Шилегов.

Тој се надева на поддршка во вториот круг од локалните избори и плодна соработка со иницијативата.

Извор: МИА

ИЗВОР: slobodenpecat.mk

Ngjarja paraprake

Komisioni Evropian hetim ndaj marrëveshjes Nvidia-ARM

Ngjarja e ardhëshme

Asgjësohen rreth 60 mijë shpezë në Kosovë, pas infektimit me gripin e shpezëve

të fundit nga

AlbanianEnglishMacedonian