Shefja e diplomacisë gjermane vizion Kosovën dhe Serbinë në mars

Nëse nuk ka konflikt në shkallë të gjerë mes Rusisë dhe Ukrainës, Ministrja e Jashtme e Gjermanisë, Annalena Baerbock do të vijë në Kosovë dhe Serbi muajin e ardhshëm, bën të ditur gazeta serbe, Nova, duke u thirrur në një burim të saj diplomatik.

Raportohet se vizita e kryediplomates gjermane në Ballkan është në kuadër të një turneu të saj diplomatik, ku përveç Kosovës dhe Serbisë, ajo do ta vizitojë edhe Bosnjë e Hercegovinën.

“Nëse situata mes Rusisë dhe Ukrainës nuk përshkallëzohet më tej, ajo do të vizitojë Serbinë në më pak se dy javë”, citon “Nova” burimin e saj.

Tema të diskutimeve të Baerbock gjatë kësaj vizite raportohet se do të jenë çështja e dialogut mes Kosovës dhe Serbisë dhe ecuria e mëtutjeshme e bisedimeve nën ndërmjetësimin e BE-së, si dhe situata politike në Bosnjë e Hercegovinë.

“Nova” shkruan se Gjermania do të jetë e interesuar ta dëgjojë qëndrimin e Serbisë për krizën në Ukrainë.

GAZETA.MK

Story i mëparshëm

Policia gjermane arreston tre boshnjakë për vjedhjen e disa veturave në vlerë prej 1.5 milion eurove

Story i radhës

6 marsi, Berisha: Në Durrës po blihen vota, kush janë 2 hijet e zeza, e kanë vendin në burg

Të fundit nga