SHBA, një afro-amerikan qëllohet për vdekje nga policia e Filadelfias

Protesta të dhunshme shpërthyen në qytetin amerikan Filadelfia të Pensilvanisë pasi policia qëlloi për vdekje një afro-amerikan për të cilin anëtarët e familjes thanë se kishte një të kaluar me “probleme mendore”, transmeton Anadolu Agency (AA).

Policia e qytetit Filadelfia identifikoi viktimën si Walter Wallace Jr. (27 vjeçar) dhe tha se ata po i përgjigjeshin një thirrjeje për një burrë të armatosur me thikë.

Një video në mediat sociale tregon viktimën duke u qëlluar të paktën dhjetë herë pasi ai ecte drejt dy oficerëve që i kishin drejtuar armët. Para të shtënave, oficerët i kërkonin viktimës të ulë thikën, por në regjistrim nuk duket asnjë thikë.

“Kam shikuar videon e këtij incidenti tragjik dhe ajo shfaq pyetje të vështira që duhet të marrin përgjigje”, tha kreu i Filadelfias, Jim Kenney. 

Komisionerja e policisë, Danielle Outlaw, pranoi se videoja ngre shumë pyetje. 

“Banorët kanë sigurinë time se ato pyetje do të adresohen plotësisht në hetim. Ndërsa në skenë këtë mbrëmje, dëgjova dhe ndjeva zemërimin e komunitetit”, tha Outlaw. 

Vdekja e 27-vjeçarit Wallace shkaktoi protesta nëpër qytet me disa incidente nga dhuna dhe plaçkitjet. Disa oficerë u plagosën gjatë protestave. 

Ndërkohë, babai i viktimës, Walter Wallace Sr., për gazetën Philadephia Inquirer tha se djali i tij “kishte probleme mendore”.

“Pse nuk përdorën një taser (armë elektroshok). Pse duhej ta vrisnin atë”, tha babai i viktimës.



. .

Ngjarja paraprake

Ballistët “divorcohen” me Bashën? Alimadhi: PD s’është më e djathtë, gati të bëj pakt me Ramën për të mirën e Shqipërisë

Ngjarja e ardhëshme

Turp i madh, ja si sportisti rrihej me babain e futbollistit të njohur midis rrugës 

të fundit nga

AlbanianEnglishMacedonian