SBASHK: Deri në pikën e fundit do të përpiqemi ta zhvillojmë mësimin në shkolla

Qeveria e Kosovës përmes një vendimi të aprovuar ditën e djeshme ka marrë masa të reja në lidhje me luftimin e Covid-19, virus ky që prapë me shifra alarmante është kthyer në vendin tonë.

Sipas këtij vendimi mësimi  parauniversitar do të vazhdoj të zhvillohet në shkolla.

E ky vendim duket të ketë gjetur edhe përkrahjen e SBASHK-ut , përfaqësuesit e të cilit janë shprehur të gatshëm  për të vazhduar mësimin në shkolla.

Kryetari i SBASHK-ut Rrahman Jashari, ka thënë për io se aktualisht shkollat po funksionojnë sipas këshillave të institucioneve dhe se të gjithë mësimdhënësit janë që mësimi të vazhdohet brenda institucioneve.

“Ne jemi që mësimi të zhvillohet në institucionet arsimore. Ne nuk kemi qenë  pro mësimit online. Ne po vazhdojmë të funksionojmë sipas këshillave , mësimdhënësit janë që të vazhdohet mësimi nëpër shkolla”, tha Jashari.

Jashari theksoi se pavarësisht masave të reja të qeverisë e të cilat do të mund të paraqesin telashe gjatë procesit, ata deri në momentin e fundit do të insistojnë që mësimi në tërësi të mos kaloj në sistemi online, por vetëm aty ku ka nevojë dhe ku ka raste me virus.

“Pavarësisht masave të qeverisë që janë goxha ngushtuese, SBASHK-u është i përkushtuar që të japim maksimumin që deri në pikë të fundit ta zhvillojmë mësimin në shkolla. Në anën tjetër mësimdhënësit tashmë kanë marrë përvojë nga viti i kaluar shkollor, dhe do të japin maksimumin që mësimi nëse kalon në atë online, të zhvillohet sa më mirë”, nënvizoj Jashari.

Ngjarja paraprake

Kryepeshkopi Janullatos reagon për herë të parë pas infektimit: Mos ki frikë, vetëm beso

Ngjarja e ardhëshme

California, shteti i dytë në SHBA me 1 milion raste me COVID-19

të fundit nga

AlbanianEnglishMacedonian