Disa përdorues të telefonëve Samsung Galaxy S23 dhe S23 Plus raportuan në fillim të vitit një problem me kamerat e smartfonëve fotografitë e të cilëve kishin një turbullim të pazakontë në pjesës anësore të fotove.
Kamera 50-megapiksel turbullonte pjesët e fotove të cilat ishin jashtë fokusit dhe mund të vihej re me sy lehtësisht.
Tani Samsung e ka pranuar problemin duke shtuar se një përditësim softueri do të vijë për adresimin e tij. Kompania shpjegoi shkakun duke thënë se kishte të bënte me machine learning.
Kompania nuk dha detaje rreth problemit vetëm se do ta adresojë me një përditësim e madje pa dhënë as informacion se kur do të ndodhë.
Disa përdorues kishin arritur të gjenin një zgjidhje duke e mbajtur telefonin të orientuar vertikalisht. Problemi u zbulua në muajin Maj dhe ka marrë kohë që kompania fillimisht ta pranonte ekzistencën e tij e më pas të konfirmonte një rregullim të mundshëm.
Përdoruesit shpresojnë të jetë një problem që ka të bëjë me softuerin dhe jo harduerin. /PCWorld Albanian
BURIMI: PCWORLD.AL
