​Rusia e gatshme të heqë dorë nga disa kërkesa për Ukrainën?

Rusia nuk dëshiron më që Ukraina të “denazifikohet” dhe është e gatshme të lejojë që Kievi të anëtarësohet në BE nëse mbetet ushtarakisht i paangazhuar si pjesë e bisedimeve të vazhdueshme për armëpushimin, sipas burimeve të Financial Times pranë negociatorëve.

Marrëveshja e armëpushimit që po negociohet aktualisht duhet të përfshijë tërheqjen e Ukrainës nga anëtarësimi në NATO në këmbim të garancive të sigurisë dhe perspektivës për t’u bashkuar me BE. Por burimet e zbuluan këtë informacion në kushte anonimiteti pasi çështja ende nuk është rënë dakord përfundimisht.

“Projekt dokumenti i armëpushimit nuk përmban asnjë diskutim për tre kërkesat kryesore të Rusisë – “denazifikimin”, “çmilitarizimin” dhe mbrojtjen ligjore të gjuhës ruse në Ukrainë”, tha një burim i paidentifikuar për Guardian.

Të dërguarit nga të dyja palët takohen në Stamboll të martën për raundin e katërt të bisedimeve të paqes që synojnë t’i japin fund pushtimit rus.

GAZETA.MK

Story i mëparshëm

Pse rriten çmimet direkt në Shqipëri pas ngritjes në bursë? Aliaj: Ndodhi gati dy javë pas nisjes së luftës

Story i radhës

​Pse duhet të ndaloni menjëherë përdorimin e aromatizuesve të ajrit

Të fundit nga

AlbanianMacedonianEnglish