Shkup, 8 janar – Drejtori i Klinikës për Sëmundje të Fëmijëve në Shkup, Rexhep Memedi ka njoftuar se gjatë festave të fundvitit por edhe tani është rritur ndjeshëm numri i fëmijëve të cilët kanë kërkuar ndihmë mjekësore në klinikën për fëmijë.

Sipas Memedit, numri i pacientëve që kanë kërkuar ndihmë mjekësore shkon deri në 200.

Tregon edhe simptomat nga të cilët vuajnë më shpesh pacientët që janë trajtuar.

“Në periudhën e fundit, veçanërisht gjatë festave të fundvitit, është rritur dukshëm numri i pacientëve fëmijë që kërkojnë kujdes mjekësor në Klinikën për sëmundje të fëmijëve në Shkup. Numri arrin deri në 200 pacientë gjatë shërbimit 24-orësh, të cilët vijnë direkt nga shtëpia pa rekomandim nga mjeku i familjes ose nga niveli i mesëm. Shumica e tyre kanë simptoma të respiratore, infeksione virale të frymëmarrjes, si dhe shenja të infeksioneve të zorrëve – me të vjella dhe diarre. Më shumë se 90% e pacientëve kanë simptoma të lehta që kërkojnë vetëm trajtim ambulator në nivelin parësor ose dytësor të kujdesit shëndetësor”, ka deklaruar Rexhep Memedi për Klan Maqedoni.

Ai ppelon që të gjithë të kenë kujdes dhe kërkon që të shmangen kontaktet direkte me personat e prekur dhe me simptoma.

BURIMI: zhurnal.mk