Amir Rrahmani do të mbetet një nga shtyllat e Napolit edhe në të ardhmen.
Vendimi për rinovimin e kontratës së mbrojtësit ishte marrë prej kohësh, por sot ka ardhur zyrtarizimi me firmat e hedhura në kontratë.
Ka qenë vente klubi i Napolit i cili bëri zyrtare firmën e re në marrëveshjen me futbollistin, me të cilin kishte diskutuar prej kohësh detajet ekonomike.
Nëpërmjet një njoftimi për shtyp, është bërë e ditur se Rrahmani kishte nënshkruar deri në vitin 2027, por me akordin që mund të zgjatej për një tjetër edicion.
“SSC Napoli komunikon se ka zgjatur kontratën për paraqitjet sportive të futbollistit Amir Rrahmani, deri në 30 qershor 2027, me opsionin e zgjatjes së saj nga ana e klubit deri më 30 qershor 2028”, shkruhej në njoftimin e klubit.
Sipas informacioneve nga mediat italiane, marrëveshja e re e Rrahmanit parashikohet që të rritë edhe pagën e mbrojtësit që do të arrijë deri në 2 milionë euro neto në sezon.
