rivarroset xheladin kabashi ishte ne listen e personave te zhdukur gjate luftes 678d38e92ed0b

Rivarroset Xheladin Kabashi, ishte në listën e personave të zhdukur gjatë luftës

January 19, 2025
1 minut lexim

Në varrezat e dëshmorëve në Polac të Skënderajt, është rivarrosur Xheladin Kabashi, i cili figuronte në mesin e persona të zhdukur gjatë luftës.

Eshtrat e tij ishin gjetur në nëntor të vitit 2023 gjatë gërmimeve në Prekaz, ndërsa eshtrat e tij ishin identifikuar përmes procesit të identifikimit me metodën shkencore të ADN-së.

“Eshtrat e Xheladin Kabashit, të zhvarrosura nga lokacioni në Prekaz, u konfirmuan përmes procesit të identifikimit me metodën shkencore të ADN-së. Më 15 janar 2025, familja Kabashi është njoftuar nga Sektori për Komunikim me Familjet – IML dhe zyrtarët e Komisionit, për identifikimin e mbetjeve mortore (eshtrave) të Xheladin Kabashit. Me kërkesë të familjes , ceremonia e rivarrimit është organizuar sot”, thuhet në komunikatën e Komisionit Qeveritar për Persona të Zhdukur.

Në ceremoninë e rivarrimit me një fjalë rasti ngushëlluese, familjarëve dhe qytetarëve të pranishëm, iu drejtuan Ministri i Mbrojtjes, Ejup Maqedonci, Kryetari i Komunës së Skënderajt, Fadil Nura, dhe Udhëheqësi i Njësisë së Komisionit, Kushtrim Gara, i cili krahas ngushëllimit dhe mirënjohjes për familjen Kabashi, theksoi përkushtimin e Komisionit gjegjësisht institucioneve në ndriçimin e të vërtetës dhe zbardhjen e fatit dhe vendndodhjes së personave të zhdukur.

“Sot në Polac, dhe kudo në Drenicë e Kosovë, gjithnjë përjetojmë një ndjenjë të thellë mirënjohje për guximin dhe sakrificën e trimave, heronjve , dëshmorëve dhe të rënëve për lirinë tonë. Çlirimtari Xheladin Kabashi dhe gjithë të rënët në altarin e lirisë, janë shembulli më frymëzues i guximit dhe vendosmërisë njerëzore. Ata lanë pas një trashëgimi të madhe për ne të gjithë, duke na dhënë lirinë që gëzojmë sot. Është detyrë e jona si Komision t’i gjejmë më të dashurit tanë, është amanet i brezave ta lartësojmë lirinë”, theksoi Gara.

Burimi: botasot.info

MARKETING

MARKETING

RENT A CAR

MARKETING

sula rama po i merr frymen vendit vota e diaspores shpresa e fundit e shqiperise 678d2f8c3c5c7
Story i mëparshëm

Sula: Rama po i merr frymën vendit, vota e diasporës shpresa e fundit e Shqipërisë

show i dyshes balaj mala dhe nje vllazni perfekte 678d3ca971cf1
Story i radhës

Show i dyshes Balaj-Mala dhe një Vllazni perfekte

Të fundit nga

ShkoLartë