Për shkak të shtrenjtimit të naftës qytetarët s’po përdorin veturat, po preferojnë autobusët.
Është ndër rrugët më të frekuentuara në Prishtinë.
E zakonisht këtu s’ka qenë asnjëherë një pamje e tillë.
Pak më tutje në qendër të kryeqytetit, komunikacioni po ashtu është më i qetë.
Në vend të veturave për të udhëtuar, shumë qytetarë po presin autobusët urban.
Këtë e kanë vënë re edhe qytetarët të cilët punojnë e kalojnë aty pari.
Ndërkohë në këso ekrane, shpesh kanë lëvizur çmimet kohëve të fundit.
Në këtë pompë Milaim Krasniqi po e mbush veturën me derivate.
Krasniqi kërkoi mbushje prej njëzet eurosh, e nuk qe i kënaqur me sasinë që i erdhi.
Kjo pasi që as shenja e mbushjes brenda veturës, s’lëvizi edhe aq.
Ndërkaq një qytetar tjetër thotë se e ka të pamundur udhëtimin me diçka tjetër pos veturës.
E në pritje për tu furnizuar me naftë është edhe një mërgimtar i cili sapo erdhi nga diaspora.
Në Kosovë e rajon pati një ngritje të hovshme të çmimit të naftës si pasojë e luftës në Ukrainë.
