Kryetari i Partisë së Lirisë, Ilir Meta shprehet i sigurt në fitoren e koalicionit “Bashkë Fitojmë” në zgjedhjet vendore të 14 majit.
Nga Përrenjasi, Meta deklaroi se kryeministri Rama nuk e ka më shumicën e votuesve, por ka vetëm një pakicë të cilën i ka uzurpuar dhe i ka nënshtruar me kërcënime.
Meta i bëri thirrje qytetarëve që të votojnë opozitën, si e vetmja mënyrë për të çrrënjosur monizmin e vendosur nga “Rilindja”.
Meta: Rama e ka të qartë se ka një pakicë uzurpatore. Të ecim të sigurt drejt 14 majit. Do jetë një fitore plebishitare. Është e padiskutueshme. Qytetarët me të drejtë kanë thënë se duan zgjedhje, ja ku erdhën zgjedhje. Nuk janë vetëm zgjedhje vendore. Janë zgjedhje për të gjithë komunitetin. Janë një moment historik përë të çrrënjosur monizmin. Ky është modeli se si e do Edi Rama pushtetin.
Hajdutëria e tij nuk njeh kufi. Të gjithë drejt 14 majit. Të ndëshkojmë me votë këtë pakicë uzurpatore që tallet me qytetarët shqiptarë. Jo vetëm i vjedh, por i intimidon. Duan që t’i duartrokasin për shkak të frikës. Unë besoj se, jo vetëm Përrenjasin, por shumica dërrmuese e bashkive në të gjithë vendin, do votojnë koalicionin “Bashkë Fitojmë”.
Me këtë koalicion, fiton llogaridhënia. Me votat tuaja, do ju japim llogari për çdo gjë. Unë nuk flas dot shumë për Përrenjasin, pasi e dini më mirë sesa unë, por mua më mjafton Tirana. Isha në një emision, me një nga gazetaret e njohura dhe i thashë, mund të ma thuash emrin e kryetarit të Këshillit Bashkiak të Tiranës? Jo më tha. Pyeta dhe njerëz të tjerë, nuk e dinin.
