Qe dy muaj po qëndron në Klinikën Kirurgjike, por pacientja po e refuzon ndërhyrjen kirurgjike

Nëna e Hakan Vulës ndodhet në Klinikën Kirurgjike për më shumë se dy muaj.

Sheherzade Vula e cila është 60 vjeçare vuan nga një sëmundje malinje dhe ajo më parë ka marrë trajtim mjekësor edhe në Turqi.

E njëjta, trajtim kërkoi edhe në institucionet publike shëndetësore të vendit.

Tash e dy muaj po qëndron në Klinikën Kirurgjike, por tash po e refuzon ndërhyrjen kirurgjike.

I biri i saj thotë se nënën nuk dëshiron ta operojë në këtë klinikë, kjo për shkak se është i sigurt që nëse ajo operohet atëherë ajo do të vdes.

Prandaj ai dëshiron ta dërgojë në shërim jashtë shtetit.

Vula përpos ankesave të tij ndaj pesimizmit të mjekëve thotë se është e vërtetë që ndonjëherë nuk ka pasur sjellje korrekte ndaj stafit mjekësor, por krejt sepse është I pakënaqur nga trajtimi I nënës së tij aty.

E drejtori i Klinikës Kirurgjike në QKUK, Ferat Sallahu konfirmon se pacientja në fjalë po refuzon operimin.

Ai kërkon mirëkuptim nga familjarët e saj, sepse tash e dy muaj ajo po qëndron aty pa pranuar trajtim.

E Sallahu shton se pasi që pacienti nuk pranon të operohet atëherë sipas rregullores duhet ta lëshojë spitalin.

Meqenëse familja Vula dhe drejtoria e Klinikës nuk po gjejnë mirëkuptim për këtë rast, ankesa nga të dyja palët janë dërguar në Inspektoratin e Shëndetësisë dhe në Policinë e Kosovës.

Megjithatë, nuk ka asnjë veprim deri më tani drejt zgjidhjes së këtij problemi.

Ngjarja paraprake

Hoda – Ademi: Opozita shqiptare nuk e bën ndryshimin, mbi 20 vite janë në politikë

Ngjarja e ardhëshme

Leipzig fiton dhe i afrohet në një pikë Bayernit

të fundit nga

AlbanianEnglishMacedonian