Princi Harry shprehet se kurrë nuk do të largohej nga familja mbretërore, por ja çfarë e detyroi

Princ Harry së fundmi ka dhënë një intervistë për ‘The Late Late Show’ me James Corden.

Një Harry i çiltër tregoi disa nga arsyet pse ai dhe gruaja e tij Meghan Markle bënë lëvizjen për në Kaliforni.

‘Ishte një mjedis vërtet i vështirë siç mendoj që dhe shumë njerëz e panë. Të gjithë e dimë se si është shtypi britanik. Po shkatërronte shëndetin tim mendor. Kjo është toksike, kështu që unë bëra atë që çdo burrë dhe atë që çdo baba do të bëntë që është: Unë kam nevojë për të hequr familjen time nga këtu’ është shprehur Princ Harry.

Harry gjithashtu u duk se doli dhe kundër deklaratës së Mbretëreshës Elizabeth, të premten e kaluar kur ajo u shpreh se Meghan dhe Harry nuk gëzojnë më përgjegjësit dhe detyrat që kishin.

Princi i tha mikut të tij Corden se ai planifikon të jetë i  njejti njeri që ishte kur ishte duke punuar nën petkun mbretërorë.

 “Pavarësisht nga vendimet që merren në atë anë, unë kurrë nuk do të largohem”, tha Harry duke iu referuar Familjes Mbretërore. 

“Unë gjithmonë do të kontribuoj. Jeta ime është shërbim publik kështu që kudo që të jem në botë do të jetë e njëjta gjë.”

Kujotjmë që të premten e kaluar, Pallati Buckingham konfirmoi se Harry dhe Meghan humbin të gjithë titujt dhe postet që mbanin. 

Njoftimi erdhi pak më shumë se një vit pasi Duka dhe Dukesha e Sussex së pari ndanë planet e tyre për të dhënë dorëheqjen, e cila erdhi me një  periudhë rishikimi një vjeçare .

 Si pjesë e largimit nga detyra, ata nuk do të mbajnë më patronazhet e tyre (përfshirja e tyre mbretërore me bamirësi të shumta në Mbretërinë e Bashkuar).

Pas bisedave me Dukën, Mbretëresha ka shkruar duke konfirmuar se duke u larguar nga puna e Familjes Mbretërore nuk është e mundur të vazhdosh me përgjegjësitë dhe detyrat që vijnë me një jetë të shërbimit publik”  ,  thuhej në deklaratën e pallatit .

Në përgjigjen e Princi Harry dhe Meghan të kësaj  deklaratë, thuhej: “Ne të gjithë mund të jetojmë një jetë shërbimi. Shërbimi është universal”.

Image
Ngjarja paraprake

Konfirmon Pirlo: Dybala e Morata mungojnë, me Veronan na pret një ndeshje fizike

Ngjarja e ardhëshme

Bregu i Fildishtë, shteti i dytë që merr vaksinat nga COVAX

të fundit nga

AlbanianEnglishMacedonian