Ne emisionin Klan Debat në Televizionin Klan Macedonia u diskutua zgjedhje e Donald Trump si president I 47-të i SHBA-ve.
Analisti Ismet Ramadani tha se me Trump do ta kthejë sërish një SHBA të fuqishme.
“Më la përshtypje fjalia e Trumpit që Amerika nuk mund të refuzohet, dha mesazh për Kinën dhe të tjerët se atë që e vendos Amerika, nuk mund ta refuzojë më askush. Trump kam bindjen që është i mahnitur nga zbulimet e “Space” ose këto zbulimet e reja të IT-së, ndaj edhe është kundër burokracisë dhe këtyre sistemeve shtetërore”, tha Ramadani.
Analisti Ibrahim Mehmeti tha e nuk pret që Trump të jetë në favor të shqiptarëve.
“Nuk jam i sigurtë që Trump do të jetë shumë në favor të shqiptarëve. Ai vetë paralajmëroi se si në politikën e brendshme dhe të jashtme nuk do të ketë tolerime, ndaj mendoj që në këtë klimë aktuale, mund të jetë një administratë më në favor të Mickoskit dhe Vuçiqit se sa të Kurtit ose të tjerëve”, tha Mehmeti. /tvklan.mk
Burimi: TV KLAN