presidenti trump kritikon vendimin e paraardhesit te tij biden per te falur anetaret e familjes 678f3a6ece0fe

Presidenti Trump kritikon vendimin e paraardhësit të tij Biden për të falur anëtarët e familjes

January 21, 2025
1 minut lexim

Presidenti Trump gjatë një ceremonie të nënshkrimit të urdhrave ekzekutivë në Shtëpinë e Bardhë, kritikoi vendimin e Presidentit Biden për të falur anëtarët e familjes së tij, që nuk janë nën hetime.

Presidenti Trump, i cili i bëri komentet disa minuta pas nënshkrimit të një dekreti për të falur rreth 1,500 persona të akuzuar për vepra penale lidhur me sulmin e 6 janarit 2021 në Kapitol, tha se falja anëtarëve të familjes nga Presidenti Biden nënkupton se ata mund kenë qenë fajtorë.

Të hënën, Presidenti Biden fali anëtarë të familjes së tij, që nuk janë nën hetim, duke përfshirë vëllain e tij, James Biden, bashkëshorten e zotit James Biden, Sara Biden; motrën e tij, Valerie Biden Owens; bashkëshortin e zonjës Valerie, John Owens; dhe vëllain e tij, Francis Biden. Vendimi i mbron ata nga mundësia e përballjes me hetime ose akuza në të ardhmen.

“Familja ime u është nënshtruar sulmeve dhe kërcënimeve të pandërprera, të motivuara vetëm nga dëshira për të më goditur mua, lloji më i keq i politikës partiake. Fatkeqësisht, nuk kam asnjë arsye të besojë se këto sulme do të marrin fund”, thuhet në deklaratën e zotit Biden. “Lëshimi i këtyre faljeve nuk duhet të gabohet për pranim të fajësisë dhe nuk duhet të keqinterpretohet si pranim i fajit për ndonjë vepër”.

Presidenti Biden u kritikua për vendimin e tij të muajit të kaluar për faljen e djalit të Hunter Biden, pasi më parë ai kishte thënë se nuk do të bënte një gjë të tillë..VOA

Burimi: botasot.info

MARKETING

MARKETING

RENT A CAR

MARKETING

qesh alonso kur pyetet per realin koha iken por afeksioni mbetet 678f36e880ea1
Story i mëparshëm

Qesh Alonso kur pyetet për Realin: Koha ikën, por afeksioni mbetet

si te jesh nje mik i mire 678f3c5047e2d
Story i radhës

Si të jesh një mik i mirë?

Të fundit nga

ShkoLartë