presidenti i zgjedhur trump sinjalizon per shtyrjen me 90 dite te ndalimit te rrjetit tiktok 678c082be1930

Presidenti i zgjedhur Trump sinjalizon për shtyrjen me 90 ditë të ndalimit të rrjetit TikTok

January 18, 2025
1 minut lexim

Presidenti i zgjedhur Donald Trump tha të shtunën se “brenda të gjitha gjasave” do t’i japë rrjetit TikTok edhe 90 ditë të tjera afat, për të arritur një marrëveshje që do t’i mundësonte kësaj platforme të suksesshme të shpërndajes së videove në Shtetet e Bashkuara, që të shmangte masën e ndalimit.

Gjatë një interviste me kanalin televiziv NBC News, Presidenti i zgjedhur Trump tha se nuk ka vendosur ende se çfarë do të bëjë, por se po shqyrtonte mundësinë e një shtyrjeje të përkohshme të masës së ndalimit, pasi të ketë bërë betimin të hënën. Të dielën hyn në fuqi në Shtetet e Bashkuara ligji i ri që ua ndalon shërbimeve të aplikacioneve dhe atyre të internetit shpërndarjen e programit TikTok.

Sipas ligjit të miratuar nga Kongresi dhe të nënshkruar në fuqi nga Presidenti Biden vitin e kaluar, kompanisë mëmë kineze të rrjetit TikTok i ishte dhënë një afat 9-mujor që t’ia shiste degën në Shtetet e Bashkuara një blerësi të miratuar paraprakisht. Ligji i lejon gjithashtu presidentit që të bëjë një shtyrje të afatit, nëse ka filluar procesi për shitjen.

“Mendoj se do të ishte sigurisht një opsion që do ta shqyrtonim… Shtyrja 90-ditore është diçka që me të gjitha gjasat do të ndodhë, pasi është e përshtatshme. Është e përshtatshme”, i tha Presidenti i zgjedhur Trump, drejtueses së emisionit “Meet the Press”, Kristen Welker, gjatë një interviste nëpërmjet telefonit. “Duhet ta shqyrtojmë me kujdes. Është një situatë shumë e madhe… Nëse vendos ta bëj këtë, ndoshta do ta njoftoj të hënën”, tha ai.

Burimi: botasot.info

MARKETING

MARKETING

RENT A CAR

MARKETING

mbyll takimet dypaleshe me klubet e kryeqytetit 678c073b2e00f
Story i mëparshëm

Mbyll takimet dypalëshe me klubet e kryeqytetit

temperatura te uleta ekstreme ne pjesen me te madhe te shteteve te bashkuara 678c0ac0375bb
Story i radhës

Temperatura të ulëta ekstreme në pjesën më të madhe të Shteteve të Bashkuara

Të fundit nga

ShkoLartë