PRAK: Menaxhimi i pandemisë u shoqërua me shumë probleme, u shkelën të drejtat e pacientëve

Evropa sot shënon ditën e të drejtave të pacientëve, ku Kosova është anëtare që nga viti 2013. Me këtë rast, Shoqata e të Drejtave të Pacientëve në Kosovë ka reaguar për problemet me të cilat janë përballur pacientët gjatë kësaj kohe sa ishte shfaqur pandemia COVID-19.

Sipas kësaj shoqate, menaxhimi i pandemisë u shoqërua me shumë probleme, gjë që ndikoi në shkeljen masive të të drejtave të pacientëve.

Kjo ditë e gjen pacientin kosovar më shumë se asnjëherë tjetër të ekspozuar ndaj një rreziku të madh shëndetësor siç është pandemia COVID-19. Kjo pandemi mori jetën e më shumë se 2.000 qytetarëve tanë në mënyrë të drejtpërdrejtë dhe shumë të tjerëve në mënyrë të tërthortë. Menaxhimi i pandemisë që nga fillimi u shoqërua me shumë probleme, gjë që ndikoi në shkelje masive të të drejtave të pacientëve. Ndër problemet kryesore ishin, politizimi i pandemisë që nga fillimi, mungesa e testeve, mungesa e oksigjenit, masat preventive jo adekuate, mosrespektimi i masave, fushata e shfrenuar e partive politike, hapja e specializimeve që e la kujdesin parësor në mungesa të mëdha të mjekëve, ulja e buxhetit për barna, ndaljen e shërbimeve eletive shëndetësore, e krejt në fund edhe mungesën e vaksinave për qytetarët tanë”, thuhet në njoftimin e tyre.

Në fund, PRAK u bëri thirrje institucioneve që në afat sa më të shkurtër kohor të sigurojnë qasje të qytetarëve në vaksinim, skenës politike të jetë e unifikuar rreth mbrojtjes së shëndetit publik të qytetarëve, qytetarëve të respektojnë masat në mënyrë që të ketë sa më pak persona të vdekur.

Ngjarja paraprake

Dhimbje koke për Zidane, mesfushori izolohet dhe humbet duelin me Getafen

Ngjarja e ardhëshme

Në kohë të vështira mos u ankoni, mbyllni sytë dhe lutuni

të fundit nga

AlbanianEnglishMacedonian