Ministri i Jashtëm polak Radoslaw Sikorski thotë se furnizimet ushtarake amerikane në Ukrainë përmes Polonisë kanë rifilluar dhe sistemi satelitor Starlink i përdorur nga ushtria ukrainase po funksionon.
Duke folur pas një takimi me homologun e tij ukrainas, Andrii Sybiha, në Varshavë, Sikorski thotë se furnizimet ushtarake nga qendra ndërkombëtare për ndihmë ushtarake dhe humanitare në aeroportin Rzeszow-Jasionka në Poloninë juglindore pranë kufirit ukrainas kishin rifilluar, raporton BBC.
“Konfirmoj se furnizimet me armë përmes Jasionka janë kthyer në nivelet e mëparshme. E kuptoj që Starlink po punon gjithashtu,” u tha Sikorski gazetarëve jashtë ministrisë së jashtme.
Ministri polak konfirmon se Varshava dhe Kievi janë të kënaqur me propozimet e reja për t’i dhënë fund agresionit rus kundër Ukrainës.
Ministri i Jashtëm i Ukrainës thotë se rezultatet e bisedimeve në Arabinë Saudite me SHBA-në ishin “shumë të rëndësishme, pothuajse historike”.
“Ukraina është vendi që dëshiron më shumë t’i japë fund kësaj lufte dhe të përfundojë një paqe të drejtë dhe të përhershme,” shton Sybiha.
Burimi: botasot.info
