Policia e Kosovës: Po hetojmë rrëmbimet e raportuara të serbëve nga grupet kriminale

Policia e Kosovës tha se është duke kryer hetimet e nevojshme lidhur me informacionet dhe raportimet mediale për rrëmbimin e disa qytetarëve serbë në veri të Kosovës.

Policia tha se është duke i trajtuar këto raste me “seriozitet”.

“Ditëve të kaluara ka pasur informacione, raportime dhe publikime në media lidhur me rrëmbimin, rrahjen dhe keqtrajtimin e disa qytetarëve serbë nga pjesëtarë të strukturave kriminale në pjesën veriore të Republikës së Kosovës”, u tha në njoftimin e Policisë së Kosovës.

Policia nuk bëri të ditur se sa persona dyshohet se janë rrëmbyer apo të keqtrajtuar dhe kur kanë ndodhur këto incidente.

Megjithatë, forcat e rendit thanë se tensionet në veriun e Kosovës, të banuar me shumicë serbe, kërkojnë ngritjen e kapaciteteve policore për të menaxhuar situatën e sigurisë dhe për të parandaluar “aktivitetet kriminale”.

 

GAZETA.MK

Story i mëparshëm

“Dyshohet se u porosit nga persona të tjerë”/ Zbardhet autorësia e dhunës ndaj drejtorit të OSHEE-së, identifikimi i tyre u bë me përgjime dhe…

Story i radhës

Pas rastit të foshnjës së vdekur, ​reagon spitali i Pejës

Të fundit nga