​Plenkoviq: Blinken shprehu mbështetje pas rrëzimit të dronit në Zagreb

Kryeministri i Kroacisë Andrej Plenkoviq ka biseduar sot me sekretarin amerikan të Shtetit Antony Blinken, i cili shprehu shqetësimin dhe mbështetjen e tij pas rrëzimit të dronit në Zagreb dhe gatishmërinë e tij për të mbrojtur qiejt e Kroacisë së bashku me NATO-n.

“Sonte fola me sekretarin e Shtetit Blinken, i cili më thirri që të shprehë shqetësimin dhe mbështetjen e tij pas rrëzimit të dronit në Zagreb dhe gatishmërinë për të ndihmuar në mbrojtjen e qiellit tonë së bashku me NATO-n”, ka shkruar Plenkoviq në Twitter.

Një dron i prodhimit sovjetik u rrëzua të enjten mbrëma pas orës 23:00 në lagjen “Jarun” të Zagrebit. Ai ka hyrë në hapësirën ajrore kroate nga Hungaria, pasi më herët kaloi mbi Rumani, ndërsa mendohet të ketë fluturuar nga zona e luftës në Ukrainë.

Siç tha të hënën kryeministri kroat, në dron ka pasur eksploziv dhe po kërkohet hetim i mëtejshëm për të përcaktuar se kush e ka lëshuar fluturaken drejt Kroacisë dhe në çfarë mënyre dhe nëse ka qenë gabim, sabotim apo qëllim.

Plenkoviq tha gjithashtu në Twitter se Blinken përshëndeti mbështetjen e qartë të Kroacisë për Ukrainën dhe përpjekjet për të pranuar refugjatët ukrainas.

GAZETA.MK

Story i mëparshëm

Ky faktor befasues mund të parashikojë nëse do e lini apo jo punën!

Story i radhës

Dy policë lëndohen në aksident rrugor në Negotinë

Të fundit nga

AlbanianMacedonianEnglish