Pjesë e një bande kriminale, arrestohet shqiptari i shpallur në kërkim ndërkombëtar

Policia e Elbasanit ka arrestuar një person të shpallur në kërkim ndërkombëtar për veprën penale “Pjesëmarrje në organizatë kriminale për vjedhje me dhunë dhe grabitje”.

Në pranga ka rënë 54-vjeçari R. E., banues në Elbasan, me qëllim ekstradimin drejt Italisë, pasi drejtësia fqinje ka caktuar masën e sigurisë “arrest me burg” ndaj tij.

Njoftimi i policisë:

Specialistët për Hetimin e Krimeve të Rënda në Drejtorinë Vendore të Policisë Elbasan, në bashkëpunim me Interpol Tirana, pas një pune të mirorganizuar, lokalizuan, kapën dhe arrestuan përkohësisht, me qëllim ekstradimi drejt Italisë, shtetasin shqiptar të shpallur në kërkim ndërkombëtar:

R. E., 54 vjeç, banues në Elbasan.

Kapja dhe ndalimi i tij u bë pasi Gjykata e Torinos, Itali, në datën 25.11.2020, i ka caktuar masën e sigurisë “Arrest në burg”, për veprën penale “Pjesëmarrje në organizatë kriminale për vjedhje me dhunë dhe grabitje”, parashikuar nga Kodi Penal italian.

Veprimet e mëtejshme për këtë shtetas do të kryhen nga Zyra e Interpolit Tiranë.

Ngjarja paraprake

A e keni ditur se sa herë merrni ushqim në ‘Drive Thru’ punëtorët jua bëjnë këtë?

Ngjarja e ardhëshme

‘Hëna e plotë e Ujkut’ do të shfaqet në këtë natë të janarit

të fundit nga