Pioli: Flas për titullin vetëm javën e fundit, duhet të mendojmë vetëm diçka

Milani triumfoi një ditë më parë kundër Empolit dhe trajneri Stefanio Pioli pas ndeshjes deklaroi për DAZN: “Ka qenë një ndeshje shumë e vështirë, të cilën ia dolëm ta menaxhojmë si duhet. Nuk kemi dominuar, por kemi bërë kontrollin e takimit.

Empoli është një skuadër që luan mjaft mirë, por nuk kemi vuajtur shumë në mbrojtje. Deri në fund, ne duhet të mendojmë se ndeshja e radhës është ndeshja vendimtare për ne. Kështu duhet të mendojmë dhe e tillë duhet të jetë, nëse duam që të fitojmë kampionatin”.

Milani numëron 5 pikë më shumë se Interi dhe ndodhet në vendin e parë, por kampionët në fuqi të Italisë kanë dy ndeshje më pak. I pyetur për këtë, Pioli ka shtuar:

“Klasifikimi është ende virtual sepse kundërshtarët tanë kanë ende një ndeshje për të rikuperuar. Mendoj se do të ishte më e drejtë që të kishim të gjithë numrin e njëjtë të ndeshjeve, për të parë edhe ecurinë e secilit. Titulli është një fjalë që do ta përmend vetëm javën e fundit”. 

GAZETA.MK

Story i mëparshëm

Kovaçevskı-Bërns: Agresioni rus në Ukrainë, kërcënim për sigurinë në botë

Story i radhës

E dini sa paguhen Donaldi dhe Romeo për të performuar në club-et e kryeqytetit?

Të fundit nga

AlbanianMacedonianEnglish