Përgjysmë më pak udhëtarë në Aeroportin e Prishtinës në shkurt

Këtë vit në muajt janar dhe shkurt pati më pak udhëtarë se sa në vitin e kaluar, në Aeroportin Ndërkombëtar të Prishtinës “Adem Jashari”.

Kështu thuhet në një përgjigje nga Aeroporti i Prishtinës.

Brenda kësaj periudhe kohore, në muajin janar të këtij viti kishte 134,091 udhëtarë, ndërsa në vitin e kaluar kishte 183,130. Pra 26% më pak këtë vit.

Edhe pse në muajin shkurt ishin zgjedhjet parlamentare në Kosovë dhe kishte mërgimtarë të shumtë që erdhën për të votuar, shifrat tregojnë që numri i udhëtarëve është gati 50% më i vogël.

Nga të dhënat e siguruara, shihet se muajin shkurt të këtij viti pati 96,318 udhëtarë, apo 42% më pak se në vitin e kaluar që kishte 167,035 udhëtarë.

Për uljen e madhe të numrit të udhëtarëve ka ndikuar pandemia Covid-19, ku në gjithë botën u vendosën masa.

Ngjarja paraprake

Tottenham ‘shkel’ Crystal Palace, shkëlqejnë Bale dhe Kane

Ngjarja e ardhëshme

Munishi: Nëse do të gjykohej penalltia...

të fundit nga

AlbanianEnglishMacedonian