Pentagoni po punon ngushtë me agjencitë e tjera qeveritare të Shteteve të Bashkuara për t’i mohuar Rusisë çdo mundësi për të marrë teknologjinë amerikane për armët e saj, duke përfshirë edhe anashkalimin e sanksioneve.
Këtë e ka thënë zëdhënësi i Pentagonit, gjenerali Patrick Ryder.
“Sigurisht, ne nuk duam të shohim teknologjitë amerikane që përdoren (nga rusët) në vende si Ukraina – kundër qytetarëve ukrainas”, tha përfaqësuesi nga Departamenti i Mbrojtjes i SHBA.
Ai vuri në dukje se Pentagoni ndërvepron me strukturat e tjera të qeverisë amerikane, veçanërisht me Departamentin e Tregtisë, në mënyrë që komponentët e prodhuar nga Amerika të mos shfaqen në armët e përdorura nga kombet e sanksionuara, si Rusia.
Departamenti i Mbrojtjes “do të vazhdojë të punojë ngushtë me partnerët tanë ndërinstitucional për të parandaluar” që teknologjia amerikane të bëhet pjesë e armëve të Rusisë, siguroi zyrtari i Pentagonit.
Siç u raportua më herët, Komisioni i Senatit të SHBA për Sigurinë e Brendshme dhe Çështjet Qeveritare mbajti një seancë dëgjimore me temën “Teknologjia e kompanive amerikane që furnizon makinerinë ruse të luftës”. Ligjvënësit dhe zyrtarët qeveritarë kanë diskutuar mënyrat për të penguar aftësinë e Rusisë dhe vendeve të tjera për të anashkaluar sanksionet.
Burimi: botasot.info
