Pasaportë vaksinimi për udhëtime? Manastirliu: Dokumenti do të merret në e-Albania

Ministrja e Shëndetësisë Ogerta Manastirliu thotë se ata persona që do të vaksinohen kundër koronavirusit Covid-19, do të marrin një dokument të lëshuar nga portali qeveritar e-Albania, që do të mund të shërbejë si një “pasaportë udhëtimi” jashtë vendit.

E ftuar në emisionin Opinion, ministrja Manastirliu u pyet nga kryeredaktori i departamentit të lajmeve të Tv Klan, Fatos Hakorja, nëse do të ketë rrezik falsifikimi ky dokument, dhe deklaroi se çdo qytetar do të ketë kodin unik të skanuar.

Fatos Hakorja: Ne do të pajisemi me ndonjë dokument për udhëtim?

Ministrja Manastirliu: Po, ne kemi planifikuar dhe e kemi gati që nëpërmjet e-Albania të merret formati i vaksinimit. Pra që ke kryer vaksinimin në dozën e parë.

Blendi Fevziu: Dhe ky do të shërbejë për udhëtimet jashtë?

Fatos Hakorja: Çfarë dokumenti do të marrim zonja ministre, se mund të jetë një dokument lehtësisht i falsifikueshëm?

Ministrja Manastirliu: Do të merret nëpërmjet një kodi të skanuar nëpërmjet e-Albania.

Ngjarja paraprake

Bexheti: Nuk është e vërtetë se tek liqeni Treska do të ndërtohet Qendër tregtare

Ngjarja e ardhëshme

iOS 15 ka lajme të këqija për disa përdoures të iPhone

të fundit nga