Parlamenti turk miraton mocionin për të formuar një komision për masat ndaj tërmetit

Parlamenti turk ka miratuar një mocion për të formuar një komision hetimor për masat që do të merren ndaj tërmetit në vend, raporton Anadolu Agency (AA).

Miratimi i mocionit erdhi pasi të pesë grupet e partive politike në parlament mbështetën propozimin për të formuar një komision 22-anëtarësh.

Komisioni do të punojë për tre muaj.

Javën e kaluar, si pasojë e një tërmeti me magnitudë 6,6 në qytetin Izmir humbën jetën të paktën 110 persona dhe mbetën të plagosur mbi 1 mijë të tjerë.

Në vitin 1999, një dridhje me magnitudë 7,4 goditi provincën industriale Kocaeli duke lënë të vdekur pothuajse 18 mijë persona dhe rreth 45 mijë të plagosur.

Gati 16 milionë njerëz u prekën nga tërmeti dhe rreth 200 mijë mbetën të pastrehë.



.. .

Ngjarja paraprake

Këto janë drejtorët e rinj të emëruar nga qeveria

Ngjarja e ardhëshme

Fury zgjedh rivalin

të fundit nga

AlbanianEnglishMacedonian