Paniku vijon pas tërmetit në Turqi, qytetarët mbushin rrugët

Pamje të ngjashme me ato që ndodhen pas tërmetit të 26 nëntorit të vitit të kaluar në Shqipëri janë shpërndarë edhe nga Izmiri në Turqi, i cili u godit nga një tërmet i fuqishëm.

Shumë qytetarë kanë vendosur të largohen nga qyteti pasi ekziston frika për pasgoditje. Kjo ka sjellë trafik të rënduar, duke detyruar ministrin e Brendshëm të reagojë në rrjetet sociale. Soylu u ka kërkuar qytetarëve të Izmirit që të mos përdorin automjetet personale, pasi kanë bllokuar rrugët, raporton A2.

“Kërkesa jonë nga qytetarët tanë në Izmir, ju lutem mos përdori automjetet tuaja. Ne kemi të gjitha mjetet e nevojshme për t’iu ardhur në ndihmë, ekipet tona janë në terren. Ajo që na duhet në këtë moment të vështirë është rruga. Ju lutem na lini rrugën e lirë për të ndërhyrë”, ka shkruar ministri i Brendshëm.

Deri tani në Turqi janë konfirmuar 12 persona të vdekur dhe më shumë se 400 të plagosur.

Ngjarja paraprake

Mourinho ndëshkon futbollistët për humbjen në Europa League

Ngjarja e ardhëshme

Soko: Institucionet le t’i mbajnë pajisjet dhe orenditë ekzistuese, jemi në një situatë të keqe. Shqipëria ka “plot vrima për të mbushur”

të fundit nga

AlbanianEnglishMacedonian