Pamje të rënda! Momenti kur avionët e Azerbajxhanit bombardojnë ushtarët armenë

Azerbajxhani ka publikuar disa pamje të reja ajrore, të cilat pretendohet se tregojnë sulmin bombardues ndaj ushtarëve armenë. Sipas mediave të huaja, një video e shpërndarë nga ministria e mbrojtjes e Azerbajxhanit pretendon të tregojë personelin ushtarak armen duke u bombarduar ndërsa përshkallëzohet konflikti midis dy kombeve.

Pamjet ajrore – të regjistruara me gjasë nga një armë zjarri ose nga një dron – duket se tregojnë avionët azerbajxhanas që synojnë ushtarët dhe pajisjet ushtarake armene.

Të shpërndara të premten me titullin ‘Një tjetër video regjistrim i humbjeve të mëdha të armikut në personelin ushtarak dhe pajisjet luftarake’, videoja është e fundit në një seri në të cilën Ministria e Mbrojtjes e Azerbajxhanit pretendon të demonstrojë sulmet e saj. Konflikti midis dy kombeve u intensifikua edhe dje mes raporteve nga Armenia se një aeroplan luftarak i Azerbajxhanit ishte rrëzuar së bashku me dy dronë.

Luftimet midis Azerbajxhanit dhe forcave etnike armene për Nago-Karabakun, një provincë etnike armene që u shkëput nga Azerbajxhani në vitin 1988, hyri sot në ditën e shtatë. Gati 200 njerëz u konfirmuan të vrarë këtë javë deri më tani, duke përfshirë më shumë se 30 civilë, në përplasjet më të këqija midis dy kombeve që nga vitet 1990.

Ngjarja paraprake

Mikrokredia në kohën e pandemisë: Ç’duhet të dimë mbi situatën aktuale dhe lehtësirat e institucioneve mikrofinanciare

Ngjarja e ardhëshme

Reperi shqiptar flet me krenari për origjinën në MTV: “Kemi ardhur nga asgjë dhe duam gjithçka”

të fundit nga

AlbanianEnglishMacedonian