Kur debutoi në 2023, OnePlus Open, bazuar në Oppo Find N3, ishte një prej pajisjeve më impresionuese sidomos për elegancën e saj dhe dizajnin më të hollë të një produkti në këtë kategori. Tani është konfirmuar se pasardhësi vendos rekord të ri.
Në rrjetin social Weibo, CEO Pete Lau konfirmoi se Oppo Find N5 do të jetë “telefoni i palosshëm më i hollë në botë,” duke publikuar gjithashtu një imazh të pajisjes ngjitur me një laps për të treguar sesa i hollë është.
Aktualisht Honor Magic V3 është telefoni i palosshëm më i hollë në botë me vetëm 9.2mm i mbyllur dhe 4.4 mm i hapur.
Oppo Find N5 pritet të hedhë themelet e OnePlus Open 2, ndërsa dy pajisjet ndajnë të njëjtin harduer. Më impresionues është fakti se OnePlus Open 2 / Oppo Find N5 do të jenë telefonët e palosshëm më të hollë në botë edhe pse bateria do të rritet në kapacitet rreth 6,000 mAh.
Postimi i Lau vijon më tutje duke thënë se Find N5 debuton në Shkurt ndërsa priten më shumë detaje për OnePlus Open. /PCWorld Albanian
Burimi: pcworld.al
