OKB ndan edhe 40 milionë dollarë si ndihmë humanitare për Ukrainën

Sekretari i Përgjithshëm i Kombeve të Bashkuara, Antonio Guterres, ka thënë të hënën, 14 mars, se ky institucion do të ndajë edhe 40 milionë dollarë si ndihmë humanitare për Ukrainën.

Duke folur nga Nju Jorku, ai ka thënë se fondet do të ndihmojnë për furnizime të ushqimit, ujit, ilaçeve dhe furnizimeve tjera në këtë shtet, si dhe ofrimin e parave të gatshme për ata që kanë nevojë.

Guterres ka paralajmëruar se ndonjë përshkallëzim i mëtejmë i luftës në Ukrainë – qoftë aksidental apo i qëllimshëm – kërcënon “gjithë njerëzimin”.

Duke e përshkruar vendimin e Rusisë për vendosjen e forcave bërthamore në gatishmëri të lartë si “zhvillim drithërues”, ai ka shtuar se ideja e konfliktit bërthamor – dikur diçka e “paimagjinueshme”, tani është kthyer në kufirin e të mundshmes.

Guterres ka bërë thirrje për “armëpushim” dhe “negociata serioze” të bazuara në Kartën e OKB-së dhe ligjit ndërkombëtar.

Sulmi i Moskës ndaj Ukrainës ka nisur në orët e para të 24 shkurtit.

Presidenti rus, Vladimir Putin ka urdhëruar “operacion special” për të çmilitarizuar Ukrainën.

Veprimi i Kremlinit ka nxitur zemërim dhe është dënuar në shumë vende të botës.

Shtetet e Bashkuara dhe aleatët janë përgjigjur me sanksione të ashpra kundër Moskës./REL

GAZETA.MK

Story i mëparshëm

Besnik ndaj Manchester City, Gundogan i gatshëm të refuzojë Barcelonën

Story i radhës

Amerika dhe Evropa janë aleatët tanë, por ato nuk sakrifikohen për ne!

Të fundit nga

AlbanianMacedonianEnglish