Norvegjia ka vendosur të dërgojë tanke “Leopard 2” të prodhimit gjerman në Ukrainë, tha ministri i saj i Mbrojtjes, pas vendimit të Gjermanisë për t’i dorëzuar Kievit 14 “Leopard 2A6” dhe lejimit të aleatëve të saj të dorëzojnë tanket e tyre “Leopard”, transmeton Anadolu Agency (AA).
“Ne duhet ta mbështesim Ukrainën sa më mirë që të jetë e mundur në këtë luftë mbrojtëse të Ukrainës”, tha ministri i Mbrojtjes Bjon Arild Gram për transmetuesin publik NRK, pa treguar se sa tanke do të dërgohen.
Sipas transmetuesit, Norvegjia ka 36 tanke aktive “Leopard 2A4” në inventarin e saj.
I pyetur nëse transferimi i tankeve do të dobësojë aftësitë ushtarake të vendit kundër Rusisë, Gram tha se ajo që është e rëndësishme për sigurinë e Norvegjisë është ndalimi i Rusisë tani.
Përveç mbështetjes ushtarake, Norvegjia i ka ofruar Ukrainës dhe fqinjëve të saj mbështetje civile dhe humanitare me vlerë miliarda korona që kur Rusia filloi luftën shkurtin e kaluar.
