Një polic ka përfunduar në spital si pasojë e shpërthimit të një bombole të gazit në Shkup, përcjell TV21. MOB bën të ditur se rasti ka ndodhur gjatë ditës së djeshme dhe se ekipet kanë kryer kontroll në vendin e ngjarjes.
“Më datë 24.03.2023 në ora 14:40 në SPB-Shkup është raportuar se në banesën në pronësi të D.Gj.(60) në rrugën “Kryengritja Razloveçko” ka shpërthyer bombola e gazit, e cila ka shkaktuar zjarr. Zjarri është shuar nga zjarrfikësja e Shkupit. Për shkak të thithjes së tymit, një punonjës policie është transportuar në Spitalin e Përgjithshëm të Qytetit “8 Shtatori” për ndihmë mjekësore”, thonë nga MPB.
Foto: Arkivë-Ilustrim
Burimi: TV21
