Nis vaksinimi i personelit mjekësor në Klinë

Në njësinë e vaksinimit në Qendrën Kryesore të Mjekësisë Familjare “Nëna Terezë” në Klinë ka nisur të enjten vaksinimi kundër virusit Covid-19 i punëtorëve shëndetësorë të qendrave mjekësore të shëndetit primar.

“Në fillim do të vaksinohen punëtorët shëndetësorë të sektorit publik, pastaj edhe sektorit privat. Në bazë të udhëzimeve dhe furnizimit me vaksina nga IKSHPK-ja do te fillojmë me vaksinimin e qytetarëve mbi moshën 80 vjeçare, e pastaj ata me sëmundje kronike”, ka thënë drejtori i QKMF-së, Anton Shllaku.

Për vaksinimin e këtij personeli njësia e vaksinimit ka pranuar vetëm 100 vaksina. Sipas infektologut në QKMF në Klinë, Haxhi Ibishi, ky numër i dozave të vaksinave është i pakët për gjithë stafin e QKMF-së dhe ambulancave në këtë komunë.

“Është numër i vogël i vaksinave që na kanë dhënë IKSHP-ja. Në listë zyrtare janë 136 punëtorë shëndetësorë dhe 30 tjerë të stafit mbështetës. Por instituti na ka thënë se në ditët në vijim mundemi në çdo kohë të shkojmë e të marrim vaksina në Prishtinë për stafin e QKMF-së”, është shprehur Ibishi.

Ngjarja paraprake

Mori kërcënime me jetë

Ngjarja e ardhëshme

Takim Rexhepi- Stefoska, në fokus gjendja në sferën e kulturës dhe institucioneve në këtë sektor

të fundit nga

AlbanianEnglishMacedonian